Samtök atvinnulífsins hefja nýtt starfsár með öflugri hringferð um landið þar sem megináhersla er lögð á útflutningsgreinar og möguleika til vaxtar og verðmætasköpunar. Forsvarsfólk fyrirtækja og aðrir áhugasamir eru boðnir velkomnir til hádegisverðar og vinnufundar á hverjum stað.

Á fundunum verður fjallað um helstu áskoranir í atvinnulífinu, hvernig stjórnvöld geta stutt við vöxt og þróun og hvaða tækifæri eru til að auka útflutningstekjur Íslands – sem er lykillinn að bættum lífsgæðum.

Fundarstaðir og dagsetningar:

• 3. júní – Reykjanesbær
• 4. júní – Sauðárkrókur
• 5. júní – Akureyri
• 11. júní – Ólafsvík
• 12. júní – Þorlákshöfn
• 13. júní – Reykjavík
• 23. júní – Reyðarfjörður
• 24. júní – Höfn
• 26. júní – Ísafjörður

Á hverjum fundi verður gestum boðið að taka þátt í umræðum og svara spurningum um áskoranir á þeirra atvinnusvæði, aðgerðir stjórnvalda og leiðir til að efla útflutning.

Skráning fer fram hér á heimasíðu SA.